Пад такой назвай была арганізавана сустрэча аматараў літаратуры ў рамках святкавання 80-годдзя Перамогі савецкага народа ў Вялікай Айчыннай вайне.
Наведвальнікі аддзялення забеспячэння дзённага знаходжання для грамадзян пажылога ўзросту ЦСАН Зэльвенскага раёна ўзгадалі творчасць беларускага паэта-франтавіка Аляксея Пысіна, юбіляра 2025 года. Кіраўнік літаб’яднання “Малюся Слову” расказала аб біяграфіі магіляўчаніна, першыя пробы пяра, тэматыку вершаў. Адзначыла, што ў гады вайны сувязным ён ваяваў на пярэднім краі Прыбалтыйскага фронту. У ліпені 1944 года быў узнагароджаны медалём “За Адвагу”.
Члены клуба, дэкламуючы творы Пысіна, паказалі іх галоўны сэнс – любоў паэта да матулі, Радзімы, роднай зямлі, прыроды і франтавікоў. Перажываючы кожны радок, аматары паэзіі ўшанавалі хвілінай маўчання тых, хто падарыў нам сённяшні мірны дзень.
